دار زايـــــــــــــــــــــــد

دار زايد

من هماليل المحبة والمشاعر والقصيد
أنتقي أحلى حروفي للحبية دار زايد
دار تسكني وربي من الوريد إلى الوريد
ما خلق ربي مثلها وللكرم إلها عوايد
إلها كل الكون يشهد.. صيتها صيت ٍ مجيد
دربها درب المعزة والشموخ إبها يتزايد
كل خلق الله تشهد ....وفي مواقفنا وتشيد
ننصر المظلوم دايم وللعدل عدنا قلايد
أسس المرحوم زايد دوله وحكم ٍ وطيد
في شموخ العز يسعى وللمعالي دوم رايد
يرحم الله الشيخ زايد شيخ عادل ما يحيد
في دروب الخير عمّر قايد ٍٍ والنعم قايد
حزن فرقى الشيخ زايد حزن في قلبي شديد
بس شوفوا في خليفة في الشبه يشبهه وايد
في صفاته والرجوله منخلق مثله فريد
سطـّّر التاريخ اسمه شيخ يتحدى الشدايد
وهذا محمد بقربه دايم ورايه سديد
ع نهج زايد تخاووا ضد كل حاسد وكايد
وهذا محمد بو راشد عل خطا إيده حديد
هو نعم تربيت زايد.. عن حمانا دوم ذايد
وفي صقر كل الرجوله شهم.. جرناس ٍ.. عنيد
هذا عيد الدوله جانا وجينا لسمّوك نعايد
يا وطن جينا نعايد وفي القلب دايم نعيد
ذكريات أشخاص ضحوا كانوا للدوله عمايد
يا بلادي اليوم عيشي احلى تاريخ ٍ وعيد
يا عسى آمين قولوا في ازدهار وخير زايد
جيت في قلبي المحبة والمشاعر والقصيد
أنتقي أحلى حروفي للحبية دار زايد